Қалалық білім бөлімінің жоспарына сәйкес  Ғ.Қайырбеков атындағы №9 орта мектепте  қалалық ағылшын тілі пәні  бірлестігінің  отырысы өтті. Тақырыбы:  «Ұлттық бірегейлікті сақтай отырып білім беру процесіне инновациялық технологияларды енгізу арқылы оқушылардың фукционалдық сауаттылығын арттырудың тиімді жолдары». Қалалық білім бөлімінің шет тілдері секторының басшысы Тихон Валентина Николаевна осы тақырыпта қала мұғалімдерін толғандыратын сұрақтарды тыңдап, бірлесе шешу жолдарын қарастырды. Қала мектептерінің ағылшын тілі мұғалімдері осы тақырыпқа сай  ұйымдастырылған іс-шараларға белсенді қатысып, өздерін толғандырып жүрген мәселелер бойынша тәжірибе алмасты. Аталған мектептің ағылшын тілі пәні мұғалімі  Мусагулова Диана Бақытбекқызының  баяндамасы тыңдалып, өзекті жерлері аталып өтті. Ағылшын тілі пәні мұғалімдері Искакова Назгүл Қажымқызы мен Айгүл Арстанбекқызы  дайындаған шебер сынып пен коучингте  қала  мұғалімдері  білім беру процесіне инновациялық технологияларды енгізу арқылы оқушылардың фукционалдық сауаттылығын арттырудың тиімді жолдарын іздестіріп, керектісін түртіп, өз ойларымен бөлісті.  Отырыс соңында Әбдір Гүлім Талапқызы, Қайырбекова Гүлжазира Мейрамханқызы, Меделхан Сәния Алішерқызының жетекшілігімен мектеп оқушылары дайындаған  «HALLOWEEN»  шоу бағдарламасы көрсетілді. Оқушылар үш тілде ән салып,  көрініс қойып, қызықты ойын-сауықтар өткізді.  Қала мұғалімдері өздерінің әдістемелік қоржындарын толықтырып қана қоймай, әдемі  бағдарлама көріп, оқушылардың өнерін тамашалады.

Рухани жаңғыру болашаққа бағдар бағдарламасы аясында «Елбасымен бірге!» атты мектепшілік флешмоб өтті

1 желтоқсан – Қазақстан Республикасының Тұңғыш президенті күніне орай Қостанай қаласындағы Ғ.Қайырбеков атындағы №9 орта мектебінде Рухани жаңғыру болашаққа бағдар бағдарламасы аясында «Елбасымен бірге!» атты мектепшілік флешмоб өтті. Шараның мақсаты қазақстандық патриотизмді қалыптастыру, ұлттық өнеріміздің өркендеуіне үлес қоса алатын ұлттық құндылықтар мен жалпы адамзаттық құндылықтарды өзара ұштастыра алатын ұлтжанды тұлғаны тәрбиелеу болып табылады. Мерекелік шараға мектептің 5-9 сынып оқушылары қатысты. Жоғары Парламенттің бекітуімен 2012 жылы 1 желтоқсан Қазақстанда алғаш рет – Тұңғыш Президент күні мемлекеттік мереке ретінде аталып өтіп, бұл баршамыз үшін қуанышты оқиға болды. Елбасына деген ел құрметін айрықша айғақтауға арналған бұл мерекенің дәстүрлік іс - шараға айналуға орны бар екенін шынайы сезіммен айтып өтуге тура келеді.

«Қостанай қаласы әкімдігінің  білім  бөлімінің

Ғ. Қайырбеков атындағы №9 орта  мектебі»ММ

 Жалпыреспубликалық бірыңғай «Адалдық сағаты»

        Қазақстан Республикасының сыбайлас жемқорлыққа қарсы іс-қимыл агенттігінің бастамасымен Ғ.Қайырбеков атындағы №9 орта мектебінде жалпыреспубликалық «Адалдық сағаттары» өтті. Мектеп бойынша әр сыныпта сабақ барысында аталып өтілді.  Ал өзін-өзі тану мұғалімдері Аймукатова Ж.К  мен Ергалиева М.А  адалдық, парасаттылық, әділдік пен сенім тақырыбында ашық іс-шара өткізді. Аймукатова Ж.К 11-сыныптарға сыбайлас жемқорлыққа қарсы күрес жайында дәріс оқыды. Дәріс барысында мектеп түлектеріне адалдық пен әділдік жайында мәліметтер беріліп, ой қозғалды. Мектеп түлектері өз ойларын ортаға салып, алған мәліметтерін газет беттеріне түсіріп, қызу пікір-талас жүргізді. Ал өзін-өзі тану пәнінің мұғалімі Ергалиева М.А  бастауыш сынып оқушыларына адалдық пен әділдік, парасаттылық пен сенім жайында ашық іс-шара өткізді. Сынып оқушылары бір-біріне сенім артып, бір-біріне шынайылық таңытты. Соңдай-ақ қоршаған әлемде әділ және адал қарым-қатынас жасау ең басты міндетіміздің бірі екенің білді. Іс-шара барысында оқушылар жағдаяттар шешіп, өз ойларын ортаға салды. Мектеп тәлімгері Ергалиева А. К   «Жас ұлан» ұйымының балаларымен , мектеп мұражайында әділдік пен адалдыққа, қоғамның жемқорлық сияқты дертіне қарсы тұруға байланысты дөңгелек үстел өткізді. Осындай іс-шаралар барысында ұстаздарының  айтқан ақыл-кеңестерін ойларына түйіп алуға тырысқандары  оқушылардың жүздерінен көрініп тұрды.

Қостанай қаласы  әкімдігінің білім бөлімінің  Ғ. Қайырбеков атындағы №9 орта мектебінің  1-11 сынып оқушыларының « Рухани жаңғыру» бағдарламасына байланысты күзгі демалыс кезіндегі Қостанай қаласындағы «Өлкетану» мұражайына саяхат жасады.

   2019 жылдың 28-31 қазан күндері аралығында 1-11 сынып оқушылары Қостанай қаласындағы «Өлкетану» мұражайына саяхат жасады.  Ауа-райының бұзылуына және демалыс күндеріне қарамаста бүкіл оқушылар қызығушылықпен барып тамашалады. Оқушыларды экскурсант «Туған өлке», « Қоныс аударушылар», « Қостанай қаласының тарихы», « Ұлы Отан соғысы Кеңес Одағы батырлары», «Қостанай облысындағы   тың және тыңайған жерлер» , « Табиғат» , « Палентология», «Археология»  залдарымен таныстырды. Әр залдың өзінік ерекшелігі оқушыларға қызықты әсерлер қалдырды. Сонымен қатар оқушылар сынып жетекшілермен бірге Ы.Алтынсарин мавзолейіне саяхат жасады.     

           Қазақстан Республикасының Тұңғыш Президенті - Н.Назарбаев айтқандай, «Қазақстандағы халық ағарту ісінің тұңғыш абызы Ыбырай Алтынсарин. Ол дәуір әрбір түркі үшін барып тұрған жарық жұлдыздар болып табылатын көрнекті ағартушылардың тұтас бір тобын тарих сахнасына шығарды. Олар халықтың сауатын ашып, сана-сезімін арттыруды негізгі міндеті санады».  Осы мақсатта кейбір сыныптар Қостанай облысы, Қостанай қаласындағы Ыбырай Алтынсарин мемориалдық кешеніне барып келді. Атамыздың отандастарына деген жанашырлығын, оның мектеп ашып, оқуға шақырғанын және балаларға деген көптеген еңбектерін еске түсіріп, бір минуттік үнсіздікпен атамызға деген құрметті білдірді. Ыбырай атамыздың ашқан мектептерінің жергілікті жер картасымен танысты.  Сонымен қатар оқушыларымыз атамыздың өлең-тақпақтарын кешеннің басында айтып, құрметтерін білдірді. Саяхат өз деңгейінде өтіп, қойған мақсатымызға қол жеткізіп, оқушыларымыз өте жақсы көңіл-күйде оралдық.