Қараусыз қалған оқушылар мен жасөспірімдердің құқықбұзушылығын алдын-алу бойынша атқарылатын жұмыстар туралы ақпарат.

2018-2019 оқу жылында Ғ. Қайырбеков атындағы  №9 орта мектебінде қараусыз қалған оқушылар мен жасөспірімдердің құқықбұзушылығын алдын-алу бойынша жоспар құрылып жасалды. Жыл бойы мектеп инспекторы Онкаева Р.Б. және әлеуметтік педагог Кошенова К.Ж. қараусыз қалған, құқықбұзушылық жасаған балаларды анықтауға рейдтік жұмыстарын жүргізіп отырды. Жалпы құқық тәртібін бұзуға бейім балалар, қоғамдық тәртіпті бұзған балалардың басым бөлігі жайсыз отбасылардан шыққан. Ал, енді бір тобы кейбір ата-аналардың бала тағдырына алаңдамауынан, оларды өз беттерінше қалдырып, мектептен тыс бос уақыттарында немен шұғылданып жүргендерін қадағаламауынан орын алады. Сонымен қатар жазғы демалыс кезінде осындай топ оқушылары Шракбек Кабылбаев атындағы Қостанай қаласының МВД академиясында  әскери-патриоттық лагерьге жолдама алып барып келді. Сондықтан да, «Ел болам десең – бесігіңді түзе» деп атамыз қазақ айтқандай, әрбір ата-ана өз баласының тәртібі мен тәрбиесіне аса мән беріп, бос уақытта немен айналысатынына қатаң бақылау жасаса, жасөспірімдер арасында құқықбұзушылық пен қылмыстың төмендеуіне көп септігін тигізер еді. Себебі заңды білмеу, оны бұзу жауапкершіліктен құтқармайтынын түсінеміз.

       Мектеп директоры:              Молдахаликов А.Н. 

«ҚАУІПСІЗ ЖАЗ» акциясы

     Бала өмірінің қауіпсіздігі маңызды. Отбасы тәрбиесінің негізгі мақсаты – дені сау, ұлттық сана-сезімі оянған, рухани ойлау дәрежесі биік, мәдениетті, парасатты, ар-ожданы мол, еңбекқор, білімді азаматты тәрбиелеу. Бала да жас терек сияқты, қалай тәрбиелесең, жастан қандай тәрбие берсең, ертең есейгенде жас кезіндегі алған тәрбиесі өміріне негіз болмақ. Ата- ананың, мұғалімдер қауымының төл міндеті десек  те осынау маңызды істе тәртіп сақшыларының да  шет қалмауы тиіс осыған орай  жазғы мектеп демалысы уақытында, кәмелетке толмағандар арасында құқық бұзушылықтың  алдын –алу  және ескеру мақсатында, сондай-ақ «Қауіпсіз жаз» акция  аясының шеңберінде  ағымдағы жылдың  мамыр айының 15 күні. «Қостанай қаласы Ғ.Қайырбеков атындағы №9 орта мектебі» мемлекттік  мекемесі мектеп алды  даярлық тобының оқушыларына Қостанай қаласы ПБ СПБ ЮПТ КТІжБ  қызметкері мектеп инспекторы полиция қатарындағы Агадилова А.В. болашақ  оқушыларға  жолда жүру  қауіпсіздік  ережелері түсіндірді. Бүлдіршіндерге  бағдаршам түстері мен «жаяу жүргіншілер» мен «stop» ескерту  белгілері түсіндірілді.

Ата-аналар мен мұғалімдер үшін БЖБ және ТЖБ

       Шырайлы көктемнің ең әдемі мерекесі Наурыз мейрамына орай Ғ.Қайырбеков атындағы № 9 орта мектебінде «Ал, кәнекей әжелер!» сайысы өтті. Ерекше байқауға бастауыш сынып оқушыларының әжелері қатысты. Барлығы сегіз әже бақ сынап, берілген тапсырмаларды дұрыс орындауға барынша тырысты. Мысалы, алғашқы кезеңде әжелердің өздерін таныстыруларына мүмкіндік берілген болатын. Одан кейінгі  «көтерейік көңілді  ән – жырменен» кезеңінде өнерлерін көрсетіп, «Ою оя білесіз бе?» кезеңінде қолөнер шеберліктерін ортаға салды. «Өнерлі саусақтар» деп аталатын кезеңде үй тапсырмасын қаншалықты орындағандарын көрсетіп, «Сыр сандық» кезеңінде алдын – ала әзірленген сұрақтарға жауап берді. Осындай қызықты да күрделі кезеңдердің ішінде « Сыр сандыққа»  жасырылған сұрақтар ерекше есте қалды. Сол кезеңде әжелерге «Тілашар» қай кезде жасалады?, «Байғазы»деген не?, «жсаудың мағынасын түсіндіріңіз», «тымаққа салу дегеніміз не?» - деген сияқты ұлттық салт – дәстүрімізге қатысты сан алуан сауалдар қойылды. Әжелеріміз бұл сынақтан сүрінбей өтіп, ежелгі дәстүрімізді жетік білетіндерін дәлелдеп берді. Әрбір тапсырманың соңында өнерпаз оқушылар өнер көрсетті. Айлана Шарипова «Нар Агачи» күйін тартып, Дария Мұратбек «мама» әнін, Камила Сапарбекова «Сәулем – ай» әнін нақышына келтіре шырқады. Ал әжелеріміздің өнері мен білімін ұстаздардан құралған қазылар алқасы бағалады. Сайыстың қорытындысында 4 «А» сыныбының әжесі Зайкүл Набетайқызы бірінші орынға, 2 «А» сыныбының әжесі Айжамал Құрманбекқызы екінші орынға, 2 «Б» сыныбының әжесі Асылгүл Темірғалиқызы  үшінші орынға ие болды.

 Анар Оразмағамбетова Қостанай қаласы

            БІЗДІҢ МЕКТЕПТЕ БУККРОССИНГ!

«Ғ.Қайырбеков атындағы №9 орта мектеп» ММ адалдық акциясының қорытындысы туралы ақпарат»

     Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі «Саналы ұрпақ» жобасы аясында оқу орындарында «Адалдық акциясын» акциясын ұйымдастыруда. Аталған акцияның басты мақсаты - оқушылар арасында адалдық пен адамгершілік сияқты оңтайлы моральдық қасиеттерді қалыптастыру. Мұндай қасиеттердің әр баланың бойында болуы сыбайлас жемқорлыққа жол бермеуде үлкен рөлге ие.

     Осыған орай Ғ.Қайырбеков атындағы  №9 орта мектебінде мұндай адалдық акциясы өткізілді.

      Интернетке тәуелділіктен құтылу үшін, әрбір уақытынды жоспарсыз өткізбей тиімді пайдалана білу керек. Бостан бос ұялы телефонға телміріп қажетсіз ақпараттарды ақтарып отырудың орнына мен өзіміздің шеберлігімізді арттыру қажет. Яғни, бұл уақытты тиімді өтуіне септігін тигізу.  2019 жылдың 27 қаңтар күніне орай  Ғ.Қайырбеков атындағы №9 орта мектепте «Интернетсіз бір күнім» акциясы өтті. Акцияның мақсаты бойынша ата-аналармен кездесулер ұйымдастырылып, әңгіме жүргізілді. Бастауыштың 1-4 сынып оқушылары  арасында суреттер конкурсы ұйымдастырылды. Ал 5-11 сынып оқушыларына арналған «Мен offline» атты эссе конкурсы ұйымдастырылды. Соның нәтижесінде оқушыларды мадақтама қағаздарымен марапаттады.

    Мемлекеттік қызмет істері және сыбайлас жемқорлыққа қарсы іс-қимыл агенттігінің облыстық департаменті бекіткен жоспарға сәйкес, Қостанай  облысы , Қостанай қаласы  әкімдігінің  Ғ.Қайырбеков атындағы  № 9 орта мектебінде 2018 жылдың 26 желтоқсанында  «Адалдық» акциясы  өтті.

     Мақсаты - сыбайлас жемқорлыққа қарсы профилактика жұмыстарын күшейту, жас ұрпақ пен барша қоғамды  жемқорлықтан аулақ жүруге шақыру.

      Мектеп  асханасында өткен акцияға оқушылар,мұғалімдер және асхана қызметкерлері   белсене қатысты.

      Акцияға қатысушылар «Адал және сатылмайтын еңбек» атты  тілектер тақтасына сыбайлас жемқорлық мәселесі бойынша өз ұсыныстары мен талап-тілектерін қалдырды, сонымен қатар «Жемқорлық тізбегін үз» ақпараттық парақшалары таратылды. Оқушылар пара беру және алу түсініктеріне байланысты сұрақтар қойса,  мұғалімдер  сыбайлас жемқорлықтың алдын-алуға байланысты шараларға ойларын білдірді.

     Адал жолды, таза жолды, сыбайлас жемқорлыққа төзбейтін, сыбайлас жемқорлыққа жол бермейтін, барлық  қатысушыларды  осы ортаға жұмылдыра отырып  жүргізілген акцияда оқушылар өздері үшін көптеген мағлұматтар алды.

     Жаңа жыл – әлемдегі қуанышқа толы ең ғажайып мерекелердің бірі. Жаңа жыл сиқырлы, әрі қайталанбас таңғажайып мереке. Ертегідегі керемет пен ұшқыр қиялдың шарықтар сәті – Жаңа жыл болғандықтан, үлкен мен кіші де бұл мерекені асыға күтеді. Ғ. Қайырбеков атындағы №9 орта мктебінде желтоқсанның 25-27 күндері МДС және 1-11 сынып оқушылары арасында жаңа жыл мерекесі өткізілді. Мектептің безендірілуіне және мерекенің өтуіне Ата-аналар комитеті, директордың тәрбие жөніндегі орынбасары Ахметова М.Н. және мектеп мұғалімдері белсене қатысты. Мереке қарсаңында мектеп акт залы әсем безендіріліп шырша құрылды. Жасыл шырша жанына жиналған балалардың қуанышын бөлісуге ертегі кейіпкерлері арнайы барып, жиылған жұртшылықты мерекемен құттықтады. Мектеп мұғалімдері балалар үшін түрлі кейіпкерлердің рөлдерін сомдап, балаларды таңқалдырды. Олар жасыл шырша айналып, ән айтып, би билеп Аяз Ата мен Ақшақарды ортаға шақырды. Шыршаны жағып, Жаңа жыл мерекесіне арналған тақпақтарын жатқа оқыды. Балалар қызықты көріністерді тамашалап, ертегі кейіпкерлерімен бірге қызықты ойынға қатысты. Аяз Ата мен Ақшақарға өнерімен дараланған балаларға сыйлықтар табыс етіп, мерекенің шырайын ашты. Мерекелік бағдарлама барысында жаңа жылдық көріністер қойылып, көңілді флешмоб өткізілді.  Оқушылар қызықты қойылымдар тамашалап, ән айтып, би биледі. Аяз ата мен ақшақар оқушыларға арнайы тәтті сыйлықтар таратып, жаңа жылдық көңіл-күй сыйлады. Жиналған қауым өте жақсы көңіл күйде болды. Мереке  соңында  қатысқан  оқушыларға  түрлі  сыйлықтар тарту етілді.

    Тәуелсіздіктің мәні мен маңызын жас ұрпақ ерте бастан сіңіруі тиіс. Мектеп қабырғасындағы оқушылар осыны ұғынуы керек. Осы мақсатта қаламызда Ғ. Қайырбеков атындағы № 9 орта мектебінде 16 желтоқсан Қазақстан Республикасының тәуелсіздік күні аталып өтілді. Оған мектеп оқушылары мен мектеп қызметкерлері қатысты. Тәуелсіздік туралы көптеген мағлұматтар айтылып, көптеген құттықтау сөздері де айтылды. Егеменді елдің жылнамасын жас ұрпақ жадына сіңіруі тиіс. Мерекелік іс-шара барысында оқушылар өз өнерлерін көрсетіп, тәуелсіздік қарсаныңда ән айтып, патриоттық билер де биледі. Мектептің кішкентай бүлдіршіндерінен бастап 11 сынып оқушыларына дейін барлығы да концертте ат салысып катысты. Салтанатты кеште оқушылар Қазақстан тарихынан көріністер қойып, сыр шертті. Мектебіміздің директоры Молдахаликов А.Н. сан ғасырлар бойы аңсаған, соған қол жеткізіп келген барша мұғалімдер мен қонақтарды құттықтап, жас ұрпаққа насихат лебіздерін білдірді. Себебі, бұл – бабаларымыздың асқақ рухы алдында, жан алысып, жан беріскен аманаты алдында тағы бір тағзым ететін тарихи күн. Жиын соңына мұғалімдер мен оқушылар естелікке фотоға түсті.